Liabe Leit, s`werd Ostern heit (5/5)

Doch ois g`standne Oberbayern,
kenna mia a Ostern feiern,
ohne Zirkus und Radau:
Mia bleim dahoam in unsam Bau!

Und im Gartn draußt baun mia a Nest,
wias früha so da Brauch is gwest,
leng rote Eier, Speck darein,
dazua a Flaschal “Segen-Wein”

Dunkler Lagrein
is dös net fein?

FROHE OSTERN!
Bleibt gesund – herzliche Grüße
Franz Vielhuber

Posted in allgemein | Comments Off on Liabe Leit, s`werd Ostern heit (5/5)

Liabe Leit, s`is Fastnzeit 4/5

Mia Weinbrüada könnan dös dawartn,
mia braucha uns ja ned enthalt`n,
im Notfall hilft uns s`Telefon,
der Lieferdienst versorgt uns schon.

Und dennoch: Koane Dämmerschoppen-Freuden,
Mia Weinbrüada müssen`s auch erleiden.
Streng is scho, diese Art vo Fastnzeit,
koa End` zum Sehen, weit und breit.

Fortsetzung folgt … am Karsamstag, dem 11. April
Bleibt gesund – herzliche Grüße
Franz Vielhuber

Posted in allgemein | Comments Off on Liabe Leit, s`is Fastnzeit 4/5

Liabe Leit, s`is Fastnzeit 3/5

Mit a paar Glasl Rebensaft,
kriang gar Kranke wieder Kraft,
und de bleed Corona Sau
is nach einem Schluck scho blau!

Mia meldn`s o jetzt zum Patent,
dann kemma d`Virologen grennt,
da Papst schaugt a zur Tür scho rei,
Herrgott, dös muaß a Wunda sei!

Fortsetzung folgt … am Mittwoch, dem 8. April
Bleibt gesund – herzliche Grüße
Franz Vielhuber

Posted in allgemein | Comments Off on Liabe Leit, s`is Fastnzeit 3/5

Liabe Leit, s`is Fastnzeit 2/5

Jahrelang is dös guad ganga,
o`gstandn san`s gar in da Schlanga,
in Polling, drunt im Rathauskeller,
für a paar Flaschn Muskateller.

Doch jetzt mit der Corona-Sau,
möcht neamad mehr in unsan Bau.
Obwoi, und dös is koa Geheimnis,
welch guade Medizin der Wein is!

Fortsetzung folgt … am Montag, dem 6. April
Bleibt gesund – herzliche Grüße
Franz Vielhuber

Posted in allgemein | Comments Off on Liabe Leit, s`is Fastnzeit 2/5

Liabe Leit, s`is Fastnzeit 1/5

In unsam scheena Heimatort,
warn früher Augustiner dort,
ham Kloster und a Keller baut
und auf de Seel der Bürger g`schaut.

Doch de Zeit is lang vorbei,
in d`Mönchszelln wolln`s heit nimma nei.
Doch auf`n Wein wolln`s ned verzichtn:
De Weinbriada wern dös scho richtn!

Fortsetzung folgt … am Samstag, dem 4. April
Bleibt gesund – herzliche Grüße
Franz Vielhuber

Posted in allgemein | Comments Off on Liabe Leit, s`is Fastnzeit 1/5